Programa emprega muller de incentivos á contratación por conta allea e a formación de mulleres desempregadas.
Por
medio desta convocatoria as empresas terán a posibilidade de obter axudas para
a contratación por conta allea e a formación de mulleres desempregadas (código
de procedemento TR350A).
Inclúense
dous tipos de axuda compatibles:
a) Bono de contratación, por medio do cal
se proporcionará unha subvención á contratación indefinida inicial, á
contratación temporal cunha duración inicial mínima de 12 meses, á
transformación de contratos temporais en indefinidos que deberán ser a tempo
completo e, no caso de contratos indefinidos a tempo parcial, será
subvencionable o incremento de xornada que deberá acadar a xornada a tempo
completo ordinaria ou a establecida no convenio colectivo de aplicación.
b) Bono de formación (opcional) dirixido ás mulleres contratadas por
medio desa orde para levar a cabo accións formativas que melloren os seus
coñecementos e habilidades relacionados co posto de traballo, agás nos casos de
incremento da xornada e transformación de contratos temporais a indefinidos.
Poderán
ser entidades beneficiarias dos incentivos previstos nesta orde as persoas empregadoras e as empresas, calquera que sexa a forma xurídica que
adopten, incluídas as persoas autónomas, as sociedades civís e as comunidades de
bens, aínda que carezan de personalidade xurídica, que contraten mulleres
desempregadas por conta allea.
As
solicitudes de axudas subvencionables polas contratacións indefinidas iniciais,
as contratacións temporais dunha duración inicial
mínima de 12 meses, as transformacións de
contratos temporais en indefinidos e o incremento da xornada laboral realizadas
entre o 1 de outubro de 2019 e o 7 de xaneiro de 2020
deberán presentarse ata o 9 de marzo de 2019.
As
solicitudes de axudas subvencionables polas contratacións indefinidas iniciais,
as contratacións temporais cunha duración inicial
mínima de 12 meses, as transformacións de
contratos temporais en indefinidos e o incremento da xornada laboral realizadas
desde o día 8 de xaneiro de 2020 deberán presentarse ata
o último día do segundo mes seguinte á data
en que se inicie a relación laboral indefinida ou temporal, a transformación do
contrato temporal en indefinido e o incremento da xornada laboral por que se
solicita subvención.
O prazo para a presentación das solicitudes de
axudas rematará o 30 de setembro de 2020, aínda que nesa data non transcorrese
o prazo sinalado nos parágrafos anteriores.
1. No caso da contratación
indefinida inicial ou a transformación de contrato temporal en indefinido:
a) A xornada da
contratación indefinida inicial por conta allea deberá ser, para os efectos de ser subvencionada ao abeiro desta orde de convocatoria, a tempo
completo.
b) Como consecuencia da
contratación indefinida inicial pola cal se solicita subvención ten que
incrementarse o cadro de persoal fixo e neto da empresa, no ámbito territorial
de Galicia, respecto aos tres meses anteriores ao mes
de realización da contratación pola cal se solicita subvención.
Como consecuencia da transformación do contrato temporal en
indefinido ten que incrementarse o cadro de
persoal fixo da empresa, no ámbito territorial de Galicia, respecto aos tres meses anteriores ao mes de realización da transformación pola
cal se solicita subvención.
2. No
caso da contratación temporal cunha duración inicial mínima de 12 meses:
a) Todas as modalidades contractuais de carácter
temporal, excluído o contrato para a formación e a aprendizaxe, que se realicen
con mulleres desempregadas.
b) Os
contratos temporais terán unha duración mínima inicial de 12 meses e serán a
tempo completo.
c) Como consecuencia da contratación temporal que
se fomenta ten que incrementarse o emprego neto da empresa no ámbito
territorial de Galicia respecto aos tres meses anteriores ao mes da
contratación.
3. No caso da
transformación do contrato temporal en indefinido:
a) No caso de transformacións de contratos temporais, a xornada do
novo contrato indefinido
será a tempo completo (excepto as transformacións de contratos temporais en indefinidos
na súa modalidade de fixo-descontinuo, que poderá ter unha duración inferior á xornada a tempo completo en cómputo anual).
Non será subvencionable a
transformación do contrato para a formación e a aprendizaxe en contrato indefinido.
Contías dos incentivos
1.
As contratacións indefinidas iniciais realizadas ao abeiro desta
orde de convocatoria incentivaranse cunha axuda de
12.000 euros por cada muller desempregada contratada, sempre que cumpra os
requisitos mencionados
No caso de contratacións indefinidas iniciais
na modalidade de fixos-descontinuos, a contía do incentivo será
proporcional ao tempo de traballo.
2. As contratacións temporais cunha duración mínima inicial de 12
meses realizadas ao abeiro desta orde de convocatoria incentivaranse cunha
axuda de 6.000 euros por cada muller desempregada, sempre que cumpra os
requisitos mencionados
3. As contías establecidas nos puntos 1 e 2 incrementaranse nun 25
% nos seguintes casos, acumulables entre si:
– No caso de que o centro de traballo (ou domicilio fiscal, no
caso de carecer deste) estea situado nun concello
rural.
– Se a
muller contratada é unha emigrante retornada.
– Se a
muller contratada é maior de 45 anos.
– Se é
unha empresa con máis de 50 persoas traballadoras e cunha taxa de estabilidade
igual ou superior ao 70 %.
– Se a actividade da entidade solicitante pertence
ao ámbito de sectores estratéxicos.
A transformación de
contratos temporais en indefinidos a tempo completo incentivarase cunha contía de 4.000 euros; neste caso non serán aplicables
os incrementos establecidos no punto anterior.
No caso de transformacións
de contratos temporais en indefinidos na modalidade de fixos-descontinuos, a
contía do incentivo será proporcional ao tempo de traballo.
5. O incremento da xornada laboral dun contrato indefinido a tempo
parcial a un contrato indefinido a tempo completo incentivarase cunha contía de
2.000 euros; neste caso non serán aplicables os
incrementos establecidos no punto 3.
Máis información:
https://sede.xunta.gal/detalle-procedemento?codtram=TR350A