Nesta convocatoria poderán ser
subvencionables as accións que se realicen entre o 1 de xaneiro de 2019 e
o final do prazo de xustificación das actividades, o cal rematará o 31
de outubro de 2019, agás que, tal e como establece o artigo 35 da citada
Orde, na resolución de concesión se indique unha data posterior.
Tres liñas de axudas
Esta Orde conta cun orzamento total de 1.504.198 euros e estrutúrase en tres liñas:
Liña I: Certificacións de RSE:
Subvencionarase a obtención dunha certificación ou informe de
verificación ou validación de códigos de conduta, normas ou estándares
en materia de RSE. Subvencionarase o 80% dos custos que leve consigo o
proceso de certificación ou verificación, cun máximo de 3.000 euros por
empresa ou grupo de empresas. Accede á súa solicitude a través desta ligazón.
Liña II: Elaboración e implantación de plan de igualdade,
tanto de xeito voluntario como en cumprimento da obriga establecida nun
convenio colectivo de ámbito superior á empresa. Nesta axuda poderán
ser subvencionables os seguintes conceptos, ben xuntos ou por separado: a
diagnose da realidade da empresa, a elaboración dun plan de igualdade, a
primeira fase de implantación do plan ou a contratación a xornada
completa dunha persoa con titulación e experiencia ou coñecementos
acreditados en materia de igualdade. Pincha aquí para solicitala.
Liña III: Comprende á súa vez tres subliñas relacionadas coa conciliación da vida laboral, familiar e persoal.
A primeira está relacionada cos incentivos para o fomento do
teletraballo. A segunda subliña incentiva o fomento da flexibilidade
horaria. E a terceira e última, está dirixida aos investimentos
tendentes a garantir e mellorar o dereito á conciliación da vida
familiar e laboral. Esta liña consiste nunha subvención de ata o 80% do
investimento, e por unha soa vez, cun límite de 10.000 euros por
empresa. O importe da axuda verase incrementado nun 10% no caso daquelas
empresas cuxa taxa de ocupación feminina sexa polo menos igual á
masculina. Solicítaa nesta ligazón.
Requisitos
as empresas solicitantes
poderán ser pemes ou persoas traballadoras autónomas, que teñan
subscritos contratos con persoas traballadoras por conta allea, con
domicilio social e centro de traballo en Galicia, independentemente da
súa forma xurídica. Deberán contar con polo menos 6 persoas
traballadoras, agás no caso da liña II, que terán que ter un mínimo de
10 persoas traballadoras. Recordamos tamén que no caso daquelas empresas
con axencia, sucursal, delegación ou outra representación na comunidade
galega, estas deberán ter contratado un mínimo de 8 persoas en Galicia,
agás nos plans de igualdade, onde o mínimo aumenta a 10 persoas
traballadoras.
Como xa se indicou anteriormente, as
entidades sen ánimo de lucro e as entidades públicas non poderán
beneficiarse desta convocatoria. Tampouco se concederán axudas a
empresas ou grupos empresariais que fosen beneficiarios en anos
anteriores polos mesmos conceptos. No caso da liña III, non serán
outorgadas axudas a empresas que xa fosen beneficiarias pola cantidade
máxima subvencionable nas convocatorias pasadas.
Presentación e prazo
As solicitudes das diferentes liñas
deberán realizarse por separado, sempre por medios electrónicos a través
do formulario dispoñible na sede electrónica da Xunta de Galicia. O prazo para a presentación manterase aberto durante 45 días naturais.
Máis información:
https://www.xunta.gal/dog/Publicados/2019/20190128/AnuncioG0424-281218-0005_gl.pdf