Subvencións para a instalación de ascensores e outros dispositivos de accesibilidade en edificios de tipoloxía residencial colectiva, nas súas vivendas dúplex, así como en vivendas unifamiliares que carezan deles
Será subvencionable a instalación
de ascensores, de elevadores, de salvaescaleiras e demais dispositivos de
accesibilidade.
Para o caso de vivenda dúplex nun
edificio de tipoloxía residencial colectiva e de vivenda unifamiliar, exixirase
que os ingresos ponderados da unidade de convivencia da persoa beneficiaria non
excedan 3,5 veces o índice público de renda de efectos múltiples.
Subvención:
a) Para as edificacións e
vivendas sitas en ámbitos histórico:
1. Vivendas unifamiliares e dúplex: 60 % do
gasto subvencionable, sen que poida exceder os 4.500 €.
2. Edificios de tipoloxía residencial
colectiva cun número de vivendas igual ou inferior a 8: 60 % do gasto
subvencionable, sen que poida exceder os 35.000 €.
3. Edificios de tipoloxía residencial
colectiva cun número de vivendas superior a 8: 60 % do gasto subvencionable,
sen que poida exceder os 28.000 €.
b) Para as edificacións e
vivendas que non estean situadas en ámbitos históricos:
1. Vivendas unifamiliares e
dúplex: 60 % do gasto subvencionable, sen que poida exceder os 2.500 €.
2. Edificios de tipoloxía
residencial colectiva cun número de vivendas igual ou inferior a 8: 60 % do
gasto subvencionable, sen que poida exceder os 25.000 €.
3. Edificios de tipoloxía
residencial colectiva cun número de vivendas superior a 8: 60 % do gasto subvencionable,
sen que poida exceder os 18.000 €.
c) En calquera caso, cando a
actuación consista na instalación dun salvaescaleiras, a contía da subvención
será dun 60 % do gasto subvencionable, sen que poida exceder os 1.000 €, en
caso de salvaescaleiras de cadeira, e os 2.000 €, en caso de salvaescaleiras de
plataforma.
A resolución de concesión será
por orde de entrada das solicitudes; sendo en todo caso o último día para
solicitalas o 2 de novembro de 2017.
Máis información: