Subvencións en réxime de concorrencia non competitiva, a persoas físicas que leven a
cabo proxectos empresariais e/ou de autoemprego en municipios rurais na
provincia de Ourense durante o exercicio 2019, no marco do proxecto EmprendOu.
Requisitos dos beneficiarios e dos proxectos
empresariais.
1. Poderán ser
beneficiarias destas subvencións as persoas físicas que, a partir do 8 de
xaneiro de 2019, desenvolvan actividades empresariais ou profesionais por conta
propia sempre que cumpran ademáis os seguintes requisitos, referidos á data de
inicio da actividade subvencionable ou á
data específica que se indica en cada caso:
a) Ser maior
de 16 anos e menor de 30 anos de idade.
b) Atoparse
inscrito no ficheiro do Sistema Nacional de Garantía Xuvenil
c) Ter nacionalidade
española ou ser cidadáns da Unión Europea ou dos Estados parte do Acordo
Económico Europeo ou de Suíza, ou ser estranxeiros titulares dunha autorización
para residir en territorio español que habilite para traballar.
d) Estar dado
de alta como residente no padrón dalgún dos municipios ourensáns elixibles
recollidos no anexo I na data de alta na
actividade e durante todo o período subvencionable. O centro de traballo da
actividade terá que situarse nese mesmo municipio.
e) Non ter
traballado, nin recibido accións educativas ou formativas no día natural
anterior ao inicio da actividade subvencionable.
f) Estar dado
de alta na Seguridade Social en calquera réxime para o exercicio de actividades
por conta propia, ou como exercinte nunha mutualidade colexial, a partir do
inicio da actividade subvencionable e durante un período ininterrompido mínimo
de seis meses dende o inicio da dita actividade.
g) Estar dado
de alta para a actividade subvencionada no municipio elixible no censo de
empresarios, profesionais e retenedores da Axencia Estatal Tributaria, mediante
o modelo ordinario (modelo 036) ou simplificado (modelo 037)
2. Para os
efectos destas bases, entenderanse incluídas como persoas beneficiarias as que,
cumprindo os requisitos esixidos no apartado anterior, exerzan a súa actividade
por conta propia en relación cunha sociedade civil, comunidade de bens ou
entidade mercantil, que terán que solicitar o acceso a estas axudas a título
individual.
Quedan
expresamente excluídas as persoas autónomas ou profesionais colexiados cando a
súa actividade se realice como socio traballador nunha empresa de economía
social (cooperativa de traballo asociado ou sociedade limitada laboral)
Contía: A subvención á que poderán acceder as persoas
solicitantes consistirá nunha axuda
económica equivalente ao 75 % do salario
mínimo interprofesional por cada mes de exercicio efectivo da actividade subvencionada, cun
mínimo de 6 meses e un máximo de 12
meses.
Solicitudes: as
solicitudes dos interesados deberan presentarse exclusivamente de forma electrónica,
a través do Rexistro Electrónico da Deputación Provincial de Ourense, ou no
rexistro electrónico de calquera das entidades públicas recollidas no
artigo 2.1 da
Lei 39/2015, sempre que, neste último caso, o dito rexistro se atope integrado
no sistema SIR.
As solicitudes
poderán presentarse en calquera momento dende a publicación da convocatoria e
ata o 30 de novembro de 2019.
Presentada a
solicitude, a Deputación Provincial procederá á comprobación da corrección da documentación
achegada. No caso de que se advertisen defectos materiais na dita
documentación, a Presidencia poderá conceder un prazo de ata dez días hábiles
para a súa emenda. Verificada a corrección da documentación presentada, as
subvencións adxudicaranse pola Xunta de Goberno seguindo a orde de prelación
establecida pola data e hora da presentación das solicitudes no Rexistro
Electrónico da Deputación de Ourense.
Máis información:
https://bop.depourense.es/portal/descargarPdf.do?numBoletin=121&fecha=20190529