Programa de incentivos á contratación por conta allea das persoas desempregadas paradas de longa duración e Programa Emprega Discapacidade e Exclusión, de incentivos á contratación, formación e emprego con apoio
DOG 07/01/2020
Programa de incentivos á contratación
por conta allea das persoas desempregadas paradas de longa duración.
Axudas
para a contratación indefinida inicial, para a contratación temporal cunha
duración inicial de 12 meses e para a formación (código procedemento TR349R).
Inclúense
dous tipos de axuda compatibles:
a) Bono de contratación, por medio do cal se
proporcionará unha subvención para a contratación indefinida inicial e a temporal cunha duración mínima
inicial de doce meses das persoas desempregadas de longa duración.
b) Bono de formación (opcional) dirixido ás persoas
contratadas por medio desta orde, para levar a cabo accións formativas que
melloren os seus coñecementos e habilidades relacionados co posto de traballo.
Persoa
desempregada de longa duración: aquela que na data da súa contratación por conta allea estea sen traballo e acredite un período de
inscrición como desempregada no Servizo Público de Emprego de, polo menos, doce
meses durante os dezaoito meses anteriores á súa contratación.
Contía dos incentivos
1. As contratacións indefinidas iniciais incentivaranse cunha axuda de 10.000 euros por cada
persoa contratada que cumpra os requisitos mencionados. No caso de contratacións na modalidade de
fixos-descontinuos, a contía do incentivo será proporcional ao tempo de traballo.
2. As contratacións temporais incentivaranse
cunha axuda de 5.000 euros por cada persoa.
3. As contías establecidas nos
puntos 1 e 2 incrementaranse nun 25 % nos seguintes casos, que son acumulables
entre si:
– Se a persoa desempregada
parada de longa duración contratada é maior de 45 anos.
– No caso de que o centro de
traballo (ou domicilio fiscal, no caso de carecer deste) estea situado nun
concello rural.
– Se a persoa traballadora
contratada é unha persoa emigrante retornada.
– Se é unha persoa trans.
– Se é unha empresa con mais
de 50 persoas traballadoras e cunha taxa de estabilidade igual ou superior ao
70 %.
– Se a actividade da entidade
solicitante pertence ao ámbito de sectores estratéxicos.
Máis información:
Programa Emprega Discapacidade e Exclusión,
de incentivos á contratación, formación e emprego con apoio
Tres
tipos de bonos compatibles:
a)
Bono de contratación, por medio do cal se proporcionará unha subvención para a contratación
indefinida inicial, a temporal cunha duración mínima inicial de 3 meses e a
transformación de contratos temporais en indefinidos a tempo completo ou a
tempo parcial das persoas traballadoras con discapacidade ou en situación ou
risco de exclusión social.
b) Bono
de formación, dirixido ás persoas traballadoras cunha contratación indefinida
inicial ou temporal mínima de 6 meses, beneficiarias do bono de contratación,
para levar a cabo accións formativas que melloren os seus coñecementos e
habilidades relacionados co posto de traballo.
c) Bono de emprego con
apoio, que consiste nun conxunto de actividades de orientación e acompañamento
individualizado que prestan, no propio posto de traballo, persoas preparadoras
laborais especializadas ás persoas traballadoras con discapacidade ou en situación
ou risco de exclusión social, con especiais dificultades de inserción laboral e
que realizan a súa actividade en empresas do mercado ordinario de traballo en
condicións similares ao resto dos traballadores e traballadoras que desempeñan
postos de iguais características.
Máis información:
As
solicitudes de axudas polas contratacións por conta allea subvencionables
realizadas entre o 1 de outubro de 2019 e o día 7 de xaneiro de 2020 deberán
presentarse ata o día 9 de marzo de 2020. As axudas previstas polas contratacións
subvencionables realizadas desde o día 8 de xaneiro de 2020 deberán solicitarse
ata o último día do segundo mes seguinte á data en que se inicie a relación
laboral indefinida ou temporal pola cal se solicita subvención.
O prazo para a presentación
das solicitudes de axudas rematará o 30 de setembro de 2020, aínda que nesa
data non transcorrese o prazo sinalado nos parágrafos anteriores.